Струмица Никоб со поддршка од трибините во сала Парк очекува победа над Мурса од Осијек во КУПОТ на ЦЕВ

331

Одбојкарите на Струмица Никоб утревечер во спортската сала Парк го продолжуваат престојот на европската сцена. Го играат првиот меч за пласман во 16 финалето од КУПОТ на ЦЕВ, второто по квалитет европско клупско одбојкарско натпреварување. Противник е хрватскиот состав Мурса од Осијек со кого од 19 часот ќе ги одмерат силите за подобар старт пред реваншот закажан за 19-ти октомври

Струмица Никоб е максимално подготвена за дуелот со хрватскиот тим. Според информациите сите одбојкари се на располагање на дуото Ричлиев-Милев .  Очекуваат огромна поддршка од трибините со оглед дека настапуваат пред своја публика во салата Парк каде влезот е со симболична сума од 100 денари.

,,Го анализиравме противникот. Станува збор за релативно нов состав за разлика од минатата сезона. Но ако го одработиме онаа што се договоривме се надевам на успех . Згора на се очекуваме поддршка од публиката бидејки за нас секој натпревар е ново докажување дека заслужуваме подолг европски престој ,, ни изјави Кире Ричлиев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.