Струмица и Крџели од Бугарија ќе работат за европски прогрес на двете општини, договорија Костадинов и Азис

129

Европратеникот, Илхан Ќучук денеска престојуваше во работна посета на општина Струмица и ја предводеше повеќечлената делегација од соседна Бугарија во која беа и градоначалникот и претседателот Советот на општина Крџали и нивните заменици, како и советници од општините Благоевград и Хаџидимово.

На средбата со градоначалникот Костадин Костадинов, претседателот на Советот Марјан Даскаловски и неговите соработници разговараа за за европските перспективи и можностите за соработка помеѓу општините.

,,Разговаравме за иднината, за можностите, за предноста на мултиетничката димензија на една општина, да се споделуваат различни вредности, бидејќи различностите се убавината на еден град и тоа може единствено да не спојува како народи. Во центарот на разговорите беше иницијативата за збратимување на општините Струмица и Крџали, а особено радува фактот што тоа можеме да го крунисаме во Брисел под покровителство на европратеникот Илхан Ќучук. Тоа ќе биде прекрасна порака до двата народи дека треба да размислуваме за иднината, за развојот и прогресот на нашите општини, рече градоначалникот Костадинов.

Крџели е десетта најголема општина во Бугарија по број на жители со развиена автомобилска индустрија. Таа е четвртата општина во соседна Бугарија која има искористено најголем број на средства од европските фондови за реализација на проекти. Костадинов и градоначалникот на Крџели Хасан Азис се договорија на струмичкиот карневал да присуствуваат граѓани од ова општина а од Струмица да настапат фолклорни друштва на тамошниот Фестивал на игра и танци. Паралелно договорено е и да се организира и нова средба на која ќе присуствуваат и преставници од бизнис секторот до двете општини со оглед дека голем број стопанствениди од Крџели и од Бугарија бараат нови места за инвестирања.

Европратеникот Илхан Ќучук рече дека соработката ќе отвори дополнителни можности за комуникација и перспективи меѓу двете општини. За мене е посебно задоволство што денеска во Струмица гледаме двајца многу активни и прогресивни градоначалници на општините Струмица и Крџали, две мултиетнички општества и како што кажа градоначалникот Костадинов, различностите треба да водат кон единство, тоа е суштината на Европската Унија и јас како европратеник и известувач работам кон тоа, бугаркото и македонското знаме да стојат заедно до европското знаме. Верувам во иднината, во просперитетот, тоа се добри примери кои ќе отворат дополнителни можности за комуникација меѓу двете општини, рече Ќучук.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.