Екипата на Струмица Жени славеше убедливо во Скопје против Вардар ЕМ во рамките на второто првенствено коло. Избраничките на Гоце Кончалиев и Вера Божијанова Димитриевска со 3:0 (25:7, 25:15, 25:5) ги надиграа домакинките кои немаа никакво решение за расположените струмичанки.
Струмица Жени беше убедлив во секој сегмент на одбојкарската игра на скопскиот терен.Победата ја најавија уште во првиот сет и домакинките ги оставија само на 27 освоени поени во натпреварот. Ова е втора победа за струмичанки кои во првото коло беа убедливи против Фти Фан Волеј.
Во среда Струмица Жени играат со Јанта на домашен терен што ќе преставува и посериозен испит за девојките на Кончалиев и Димитриевска.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
