Струмица е нашето богатство кое треба да го чуваме и надградуваме, кажа Јаневски на свечената седница за празникот на градот

139

Струмица денес го одбележува патрониот празник Св. 15 Тивериополски Свештеномаченици за што Советот на општината одржа свечена седница на која беа присутни и гости. Во своето обраќање градоначалникот на Струмица Коста Јаневски кажа дека сите заедно треба да се грижиме и унапредиме Струмица бидејки таа е наследство и аманет од предцие но и наша оставштина за идните генерации. Свечечната седница се одржа во Домот на Културата согласно протоколите за заштита од вирусот ковид-19

,,Дочекавме уште една можност, во наше име и во името на нашата Струмица, да им се поклониме на Светите 15 Тивериополски Свештеномаченици. Такво поклонение струмичани прават катадневно во храмот кој го носи нивното име, но денешново е најсвечено, највозвишено и најзначајно. Причината е денот кој секоја година го славиме како Ден на заштитниците на нашиот град.  Струмица е нашето заедничко богатство кое треба да го чуваме, негуваме и надградуваме. Струмица е нашето наследство и аманет од предците, но и наш завет и оставштина за идните генерации струмичани. Затоа сите до еден, мора да се грижиме за нашиот град за да биде подобар, поубав, помирен, почист и понапреден. Само така ќе оставиме наш белег во нашето и нејзиното постоење,, кажа градоначалникот Коста Јаневски

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.