Фудбалското игралиште вредно околу 280 илјади евра е изградено со договор на општина Струмица, ФФМ и ФК Академија Пандев. Истото ќе можат да го користат фудбалерите од сите клубови во Струмица како за тренинзи така и за одигрување на официјални натпревари во младински конкуренциии. Како што соопшти градоначалникот на Струмица Коста Јаневски игралиштето ја збогатува спортската инфраструктура во општината но се разботи и на изградба на патна инфраструктура во овој комплекс.
,,Спортската инфраструктура во Струмица ја збогативме со уште еден спортски терен, а тоа е новото фудбалско игралиште со вештачка трева. Денеска се изврши примопредавање на игралиштето согласно „Хет трик III програмата на УЕФА“, од страна на Фудбалската федерација на Македонија, на Општина Струмица и ФК „Академија Пандев“ , изјави градоначалникот на Струмица, Коста Јаневски.
Претседателот на ФФМ Муамед Сејдини подвлече дека како Федерација ќе работат на обезбедување и средства за изградба на соблекувални на фудбалското игралиште со вештачка трева
,,За Фудбалската федерација на Македонија денот како денешниот кога отвораме нови фудбалски терени секогаш се посебни и значајни. Овој терен е првиот со најмодерна вештачка трева во Македонија, без гранули и во вредност од 280. илјади евра како помош од ФФМ и УЕФА за фудбалскиот регион од кој секогаш произлегуваат македонски фудбалски репрезентативци,, кажа Сејдини
Од ФК Академија Пандев кои се учесници во проектот изразија задоволство и упатија благодарност за изграденото фудбалско игралиште на вештачка трева кое ќе го кроистат нивните млади погони
,, Упатувам благодарност и до ФФМ и до општина Струмица бидејки овој спортски терен ќе овозможи да се градат нови фудбалски таленти,, рече Мартин Алаѓозовски од ФК Академија Пандев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
