За поголема и подобра инклузивност, почна со работа првата сензорна соба во Радовиш

76

Како дел од  проектот „Биди ИН, биди ИНклузивен, биди ИНклудиран“ во Радовиш е отворена првата сензорна соба. Оваа специјална просторија од денеска ќе ја користи стручниот тим на ООУ „Крсте Петков Мисирков“ и во неа ќе се поттикнува аудитивниот, визуелниот, физичкиот и тактилниот развој кај учениците со и без пречки во развојот или образовни потешкотии во ова училиште.

„Со огромно задоволство се вклучивме во процесот на создавање на ова мулти – сензорно катче во нашата општина знаејќи ги потребите пред сѐ на децата со атипичен развој, а и на наставниот кадар и стручните служби кои имаат потреба од дополнителни алатки за квалитетно изведување на образовниот процес“ – истакна градоначалникот на општина Радовиш Ацо Ристов.

Овој проект кој е финансиран од Европската Унија, е пример за целосно вклучување на учениците со попреченост во образовните текови и придонесува кон подобрување на инклузивноста во образовниот процес во Северна Македонија.

Проектот го реализира Фондацијата за образовни и културни иницијативи „Чекор по чекор“ заедно со своите партнери, Здружението за промоција и развој на инклузивно општество „Инклузива“ и Здружението за давање услуги на лицата со попреченост „Хендимак“ а во соработка со Министерството за образование и наука.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.