Средното училиште во Гевгелија доби нови 21 училница и ќе нема двосменско работење, Поцков, Елези и Нелоски ги ставија во функција

1750

Учениците од прва до четврта година од СОУ ,,Јосиф Јосифовски’’ во Гевгелија добија нови училници каде ќе можат да ја следат теоретската и практичната настава во иднина. Со дополнителниот училишен простор на двата ката на западното крило на ова средно училиште, каде се изградени нови 21 училница  во СОУ ,,Јосиф Јосифовски’’ ќе нема двосменско работење а се очекува значително намалување на трошоците за загревање и осветлување на самото школо

-Со овој инвестиционен зафат  ги потврдуваме настојувањата на општина Гевгелија за континуирано подобрување на условите за престој и настава во сите образовни институции. Изградбата на 21 училница претставува најголемиот инвестиционен зафат последнава деценија во образованието на општина Гевгелија.Со овој проект се обезбедува обезбедува едносменско работење во ова училиште, но и целосна енергетска заштеда,, кажа градоначалникот на Гевгелија Сашо Поцков

Изградбата на новите училници чинеше вкупно 40.296.360 денари, од кои 34.700.320 денари се заем, кој општина Гевгелија го доби од Светска банка.За целосна  реализација на проектот општина Гевгелија обезбеди уште 5.596.000 денари од општинскиот буџет. Новите училници ги предадоа во употреба градоначалникот Сашо Поцков заедно со заменик министерката за финансии Ширет Елези и директорот на школото Цветан Нелоски

Инаку во СОУ,,Јосиф Јосифовски’’ се школуваат над 500 средношколци и тоа гимназиско образование, угостителско туристичка струка, економска и машинска струка

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.