Со уредување на поројот ,,Св Илија’’ Јаневски го најави и пректот Урбан мост помеѓу стара и модерна Струмица

504

Градоначалникот на Струмица Коста Јаневски најави дека со отпочнување на регулацијата на поројот ,,Св. Илија’’ за кој со одлука на Владата,  одобрени се средства од 1,4 милиони евра од ТАВ, отпочнува и реализацијата на грандиозниот проект ,,Урбан мост помеѓу стара и модерна Струмица’’. Според него станува збор за изгадба на соодветна инфраструктура на овој дел од градот со оглед дека градот е доста проширен кон северозапад.

,,Со задоволство го најавувам започнувањето со реализација на еден капитален проект, којшто беше еден од носечките во мојата предизборна кампања, а тоа е проектот Урбан мост помеѓу стара и модерна Струмица. Овој проект опфаќа уредување на каналот наречен Свети Илијски порој, изведба на две сообраќајници паралелни со поројот и изградба на фекален колектор, со што ќе се решат инфраструктурните проблеми на овој дел којшто станува ново градско јадро,, објави градоначлникот на Струмица Коста Јаневски

Идната година се очекува да отпочне проектот Регулација на поројот ,,Св Илија’’ од базната станица до уливот во река Водочница, при што се планира речното корито да се бетонира а коритото да биде обложен со природен камен. Станува збор за делница од 2 800 метри која ќе започне од мостот на улицата Стив Наумов што води кон градските гробитша па се до стариот пат кон Добрејци.

По завршување на овој проект општината планира да пристапи кон изведба на две сообраќајници  покрај пројот Св. Илија но и изградба на фекален колектор до пречистителната станица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.