Приведен жител на Богданци кој со закана кон вработена во казино од касата одзел 65 илјади денари

4418

Синоќа половина час по полноќ во СВР Струмица е пријавено дека во казино во Богданци, лицe со закана кон вработена одзело пари од касата. Полицијата како што соопшти, шест часа подоцна привела жител на Богданци кој се сомничи дека го извршил разбоништвото во казиното односно дека од касата со закана кон вработената одзеле 65 илјади денари. Парите биле пронајдени во неговиот дом.

,,Полициски службеници од Полициска канцеларија Богданци го лишиле од слобода А.Г.(49) од Богданци. Тој се сомничи дека во 00.35 часот во казино во Богданци со закана кон вработената одзел пари од касата. При извршен претрес во неговиот дом врз основа на наредба од Основен суд Гевгелија биле пронајдени пари од извршеното дело во вкупен износ од 65.000 денари и други предмети поврзани со кривичното дело. Лицето е приведено и задржано во просториите на ОВР Гевгелија и во координација со Јавен обвинител против него ќе биде поднесена кривична пријава поради сомнение за сторено кривично дело „разбојништво“ по член  238 став 1 од Кривичниот законик, по што ќе биде изведен пред судија на претходна постапка,, соопшти МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.