Соло сум, но не сум се откажала од потрагата по мојата сродна душа, вели фолк пејачката Стојне

1788

Младата и атрактивна пејачка, струмичанката Стојне Николова која го спрема својот прв албум ,,Мелем за душа,, вели дека и покрај многуте работни обрврски сепак наоѓа слободно време за себе и своите најсакани. На прашањето дали тоа значи дека нема време за својот партнер, Стојне со насмевка одговори дека нема партнер и била во потрага по нејзината сродна душа. Таа овој период ја снима песната ,,Ајде спрема мајко дарови’’ за својот прв албум.

,,Во моментот сум соло, но не сум се откажала од потрагата по мојата сродна душа,, кусо ни одговори Николова која деновиве е доста ангажирана по снимања но и свирки низ повеќе градови во земјава

Во албумот што го спрема Николова  ќе бидат сместени 11 песни кои се дело на повеќе автори а Стојне се докажува со својата интерпретација со која го привлече вниманието на публиката. Таа заедно со Бобан Мојсовски речиси секојдневно има гостувања низ градовите во државата а често заминуваат и меѓу нашинците во Европа каде одржуваат концерти

,,Идни планови навистина имам многу. Реализација на видеото  и проектот во живо со мојот тим се во тек и не се брзаме за пуштање во етер бидејќи сакаме да им дадеме една друга димензија и ново руво на песните кои се испеани од великаните и доаените на македонската музика. Се надевам ке успееме во тоа,, ни изјави Стојне.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.