Славе Андонов од денес и официјално градоначалник на Василево, доделени Уверенијата и на новите советници

499

Славе Андонов од денес и официјално е градоначалник на општина Василево. Функцијата ја превзеде од неговиот претходник Марјан Јанев откако го доби Уверението од Општинската изборна комисија. Славе Андонов кој беше кадндидат на ВМРО ДПМНЕ на овие локалнби избори, веднаш по изборната победа кажа дека заедно со советниците ќе се залага за доброто на општина Василево

,,Моите сограѓани ми дадоа обврска којашто лично ја превземам за да го исправам Василево пред предизвиците кои доаѓаат пред нас. Тоа се рамноправност, грижа, поддршка за секој еден граѓанин на оваа наша општина. Сакам да се заблагодарам на граѓаните на Василево за искажаната доверба кон мене, ветувањата остануваат а партиските интереси се ставаат настрана и очекувам со советниците да работиме заедно на уште подобро Василево,, објави тогаш Андонов кој денеска се ракуваше со неговиот претходник Марјан Јанев кој му посака успех во мандатот

Согласно изборните резултати во Советот на општина Василево ќе партиципираат седум советници од Коалицијата на ВМРО ДПМНЕ и тоа: Живко Атанасов, Драгица Глигорова, Александар Митров, Блажо Делев, Спасенка Митева, Ване Андонов и Ридван Мемедов

Седум советници има и Коалиција на СДСМ и тоа: Крсте Панев, Билјана Ѓоргиева, Илми Мустафов, Александра Мадевска, Билент Исинов, Кристина Нистров и Блаже Коцев

Советничко место обезбеди и Ристе Делијанов кој во изборната трка настапи како кандидат на Движењето Одлучно за промени.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.