Синоќешниот меч го следев со грч и трема, оти сонот на Горан беше и моја желба, вели Ристо Пандев

460

Мечот Грузија Македонија го следев во грч и трема и тоа сам дома а за победата заслужни се сите момци не само мојот син. Вака ни раскажа татко му на Горан – Ристо кој  примаше честитки од своите сограѓани за победоносниот гол на син му со кој Македонија обезбеди пласман на ЕП. Вели дека не му било лесно  синоќа пред телевизорот кога ги гледал репрезентативците посебно  Горан кој играл за да си го исполни сонот

,, Сите натпревари на кои  игра Горан ги следам сам. Синоќа мечот го следев со сопругата. Не сакам друштво оти тогаш премногу се коментира и не можеш да се сконцентрираш на фудбалската игра. Имав цело време трема оти сакав да победи Македонија и да му се исполни сонот на син ми.  Посебно се израдував кога Горан го даде голот оти знам дека тоа му беше желба.  За победата се заслужни сите момци  и стручниот штаб,  не само Горан’’,  ни изјави Ристо

Пред неговиот дом синоќа се собра поголема група струмичани кои половина час пееа навивачки песни и го скандираа името на Горан. Го опиша како мирна и тивка личност и доста упорен кога станува збор за фудбалот,  што го докажа со својата возраст како активен фудбалер

,, Упорен е самиот на себе. Ова особина ја нема ниту од мене ниту од мајка му. Едноставно кога станува збор за фудбалот сака да се докаже . Пласманот на ЕП му беше цел оти ги освои сите можни титули на клупско ниво. Му посакав среќа пред а после мечот здравје да го служи оти навистина имаше желба во дресот на Македонија да заигра на едно големо фудбалско натпреварување,, ни кажа Ристо

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.