Се повеќе млади се приклучија на аеробик тренинзите на отворено на СОФ 2019, настанот да стане традиционален кажаа учесниците

487

Заврши четвртиот настан од богатата програма на Струмица опен фестивалот. Стануваше збор на спротско рекреативниот настан ,,Аеробик во парк” Над 250 рекреативци од Струмица и Радовиш, предводени од членовите на аеробик и пилатес клубот Go Fit три дена вежбаа, на кои тренинзи се повеќе млади се приклучија. Случајните посетители беа сведоци на два уникатни тренинзи по аеробик на Езерцето, а дел од нив спонтано се приклучија на групата вежбачи.

Поради лошите временски еден од трите предвидени тренинзи се одржа на затворено во салата „Партизан“. За учесниците следуваа СОФ маички со специјален дизајн аеробикнасоф, освежување, крпи и опрема за вежбање.

„За првпат во склоп на спортската програма на СОФ 2019 организираме ваков настан од отворен карактер. Лично јас како инструктор на настанот сум задоволна од интересот и се надевам дека овој настан ќе прерасне во убава и масовна традиција“, рече Елена Илков – аеробик и пилатес инструктор од GoFit.

Аеробикот беше бесплатен за сите, а целиот настан беше поддржан од Општина Струмица, Агенција за млади и спорт, Делегацијата на Европската унија, Фротирка, Bu Coffee.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.