После 13 години обновен е оштетениот дел од коловозот покрај мостот на Радовишка река кај Јаргулица. Првиот човек на општина Радовиш Герасим Конзулов објави дека ќе се продолжи и со обнова на коловозот на делот кај Покрајчево. Станува збор за санација на коловозот во должина од околу 500 метри на мошне значаен пат за жителите на овие две населени места
,,Од големо значење за жителите на двете села и граѓаните кои гравитираат во овој крај е обновата на коловозот кој беше оштетен во поплавите во 2008, 2013 и 2015 година. Денес, после 13 години е обновен оштетениот дел од коловозот покрај мостот на Радовишка река кај с. Јаргулица. Продолжуваме со обнова на делот кај с.Покрајчево,, објави градоначалникот на општина Радовиш Герасим Конзулов кој изврши увид во санацијата и обновата на патот кон Јаргулица
Средствата за санација на коловозот се обезбедени од Буџетот на општина Радовиш каде се предвидени околу 2,5 милиони денари и за други инфраструктурни проекти од патната инфраструктура
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
