Се надевам дека титулата ќе остане во Струмица, кажа Јаневски по средбата со Милев претседателoт на OK Џио (видео)

343

Градоначалникот на Струмица Коста Јаневски оствари средба со новоназначениот претседател на ОК Џио Струмица Владо Милев со кого разговараа за моменталната натпреварувачка сезона во која струмичани се на чекор до освојвуање на двојната титула имајки во предвид дека се лидери во Шампионатот а обезбедија и пласман во завршницата од КУП натпреварувањето.

,,Денеска со посебно задоволство имав средба со членовите на Одбојкарскиот клуб Џио Струмица, неколкукратен шампион на Македонија и се надевам дека титулата и оваа натпреварувачка година ќе остане во Струмица. Му честитав на Владо Милев на изборот за нов претседател на клубот и му посакав да продолжи по успешниот пат кој го има струмичката одбојка, а општина Струмица секогаш ќе ги поддржува,, објави градоначалникот на Струмица Јаневски на својата ФБ страна

Како што објави Дрнка.МК завчера на вонредно собрание на Здружението на граѓани ОК Џио Струмица, членовите едногласно донеле одлука за именување на Владо Милев за претседател  во интерес на развој и унапредување на клубот на едно повисоко ниво

,, Целите остануваат исти. ОК Џио Струмица да е секогаш конкурентен за титула во шампионатот. Со моето знаење и искуство стекнато низ повеќе одбојкарски клубови но и со искуството со репрезентацијата, сметам дека можам многу да придонесам за развој на клубот со посебен акцент на младите категории. Имаме план и програма за работа. Останува уште да се доекипираме организациски и да почнеме да функционираме како што ни е во план,, изјави по изборот Владо Милев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.