Се издава државно земјоделско земјиште до 3 хектари во реоните на Струмица, Гевгелија, Валандово

1309

Министерството за земјоделство денеска го објави Јавниот повик за доставување на понуди за давање во закуп на земјоделско земјиште во државна сопственост до 3 хектари во регионите на Струмица, Гевгелија и Валандово.

Како што стои во Јавниот повик предмет може да биде земјоделско земјиште во државна сопственост над кое има насад кој не е подигнат од страна на поранешен корисник на земјоделско земјиште во државна сопственост кој користењето го имал врз основа на склучен договор, акт на орган на државната управа или единица на локалната самоуправа или судска одлука врз кое нема востановено право на закуп, право на плодоуживање, за кое не се води постапка за денационализација или постојат други пречки за доделување на земјиштето во закуп.

Државното земјоделско земјиште се издава за одгледување на долгогодишни насади (лозја, овоштарници, хмељ) за период до 30 години, одгледување на долгогодишни насади со лешник за период до 70 години и одгледување на маслинарници за период до 50 години.

Јавниот повик трае 30 дена а може да аплицираат физички и правни лица. Просечната закупнина за хектар во реонот на Струмица изнесува 4.744 денари, во реонот на Гевгелија изнесува 5.466 денари додека во реонот на Валандово просечната закупнина за хектар изнесува 3.140 денари

Кои се докумети се потребни и кои се условите за аплицирање може да се прочита ТУКА

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.