Се додека на пристигнат нови обрасци, нема закажување за пасоши ни по итна, ни по редовна постапка, освен за лекување

1274

МВР повеќе нема да прима апликаци за пасоши се` додека не пристигнат нови обрасци во текот на наредниот месец. На денешната прес-конференција, министерот за внатрешни работи Наќе Чулев истакна дека Министерството засега располага со уште околу 3.700 обрасци, од кои дел од нив односно 650 ќе бидат искористени за оние коишто веќе имаат аплицирано по итна постапка , а останатите ќе бидат оставени за приоритетни медицински цели.

„Заклучивме дека мора да се стави системот за поднесување на барања за издавање на патни исправи еден период вон функција, односно да се забрани аплицирање за пасоши по итна и редовна постапка.  На ниво на МВР ќе утврдиме методологија, веќе сме при крај, меѓутоа сигурно, тука приоритет ќе имаат сите оние случаи каде што е неопходно издавање на патна исправа за здравствени случаи“, рече Чулев.

Чулев информираше дека има пристигнато околу 16.000 апликации за добивање на пасоши по редовна постапка, но дека за истите нема нови обрасци, па оние кои аплицирале ќе мораат да почекаат. Обрасците кои ги испорачува компанијата „Веридос“,требало да стигнат на 24 март, но според министерот Чулев овој рок ќе може да се скрати.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.