Своевремено куп лазаринки, сега нема кој да запее по дворовите и да го најават Велигден

1006
Exif_JPEG

Недела дена пред големиот христијански празник Велигден се Цветници кои вообичаено се паѓаат ден по Лазарева сабота. Токму на овој ден Лазарева сабота или Цветници млади девојчиња облечени во бело или народни носии играат и пееат лазарски песни по дворовите и на домаќините и даваат цвеќиња или зелени гранчиња најавувајки го големиот христијански празник Велигден. Но за разлика од пред неколку години сега се помалку девојчиња во групи шетаат и пеат лазарски песни во утринските часови.

,,Галабенце вода пие, стари деспот надвор седи, лудо лаже малка мома, се само дел од песни кои денес можеа да се слушната од овој чет и неколкуте други..Мерак да ти е да ги гледаш а и слушаш! Ја чуваме и негуваме традицијата,, напишаа на ФБ страната на Дедино од општина Конче

На овој ден се споменува чудесното воскресение на четиридневно упокоениот Лазар извршено од Исус Христос. Овој настан бил на шест дена пред предавството и убиството на Христос. На Лазарева сабота  но и на Цветници обичај е да се носат гранчиња од врба што симболично претставува свечено Христово влегување во Ерусалим каде што го пречекале следбениците.

Во земјава овој празник има големо значење и масовно се прославува низ целата земја. Од раните утрински часови групи девојчиња облечени во традиционална невестинска облека одат низ населените места и пеат лазарски песни. Има повеќе лазарски песни и се користат според личниот, семејниот или општествениот статус на лицето за кое е наменета песната. Песните обично се со оптимистична и духовита содржина и посакуваат здравје, успех и напредок

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.