Рурална Коалиција со рурални женски средби во Струмица и Радовиш, делеа производи и изработки од жени

316

Кампањата “Од Жена за Жена“ што ја реализира Рурална Коалиција посети повеќе од 30 населени места и на дистанца се сретна со повеќе од 100 жени промовирајќи го традиционалното производство на храна, како и рачните изработки на жените од руралните средини заврши во руралните женски средби во Струмица и Радовиш како и околните села кои гравитираат кон овие градски средини. На средбите со жените беа поделени промотивни материјали, но и рачни традиционални преработки на храна, како и изработени кукли од волна од западниот дел на нашата држава, а се со цел жените да имаат можност да видат што се работи во другите региони и да се поддржат едни со други, а во насока на нивно економско јакнење и излез од кризата која што ја предизвика и Ковид пандемијата.

,,Кампања се организираше за да ги покрене главните прашања кои што треба да се адресираат и до институциите, затоа што поддршка за малите земјоделски производители и немаше, а пак за оние кои што се дел од неформалната економија како што е тоа случајот со жените во земјоделството не може да стане ни збор. Преку кампањата “Од Жена за Жена“ се утврди дека жените од руралните средини можеби се занимаваат со различни видови на производство, но сепак предизвиците со кои што се соочуваат се за сите исти и токму тука ја упатуваме и нашата порака дека родовата рамноправност е клучна за економското јакнење на секоја жена и истата треба да биде еден од стратешките приоритети на кои што ќе се работи затоа што борбата за ова основно човеково право се води секој ден,, соопштија од Рурална Коалиција

За време на кампањата биле посетени и локалните пазари каде што повторно жените најчесто можеле да се видаат како продавачки, за кои што Рурална Коалција подготвува и платформа за локален женски е- пазар, што всушност ќе биде приоритет во наредниот периодт а во кампањата се вклучи исто така и средното земјоделско училиште во Струмица.

Годишниот план за работа на Рурална Коалиција е поддржан од Цивика мобилитас. Цивика мобилитас е програма на Швајцарската агенција за развој и соработка (СДЦ) за поддршка на граѓанското општество во Македонија, која ја спроведуваат НИРАС од Данска, Македонскиот центар за меѓународна соработка (МЦМС) и ФЦГ од Шведска

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.