Ричлиева се сели во Данска, потпиша за ОК Вестјеланд кој ја најави како големо засилување за атак на титула

1555

Дваесет годишната Софија Ричлиева од Струмица, својата одбојкарска кариера ќе ја продолжи во Данска. Таа потпиша договор со Одбојкарскиот клуб ,,Вестјеланд’’ од Шлагелсе кој последната првенствена сезона ја заврши на седмата позиција но за наредната има високи амбиции а за што уште од сега почна да ги засилува своите редови. Откако ја ангажираше колумбијката Ориано Гуереро, данскиот состав ја ангажираше и Софија ќерка на добропознатиот македонски одбојкарски стратег Кире Ричлиев.

Изминатата натпреварувачка сезона, Ричлиева играше за ,,Шкендерај’’ во Косово каде беа први на табелата, но заради пандемијата со коронавирусот која ги прекина сите спротски натпревари и не се прогласи шампион во косовското првенство. Во својата кариера Софија чии почетоци ги започна во својата родна Струмица во Македонија Макс има играно и за турски Бујукчекмече а настапуваше и за Виктори Волеј.

Данскиот Вестјеланд на своите официјални профили, Ричлиева ја најави како големо засилување во амбициите за висок пласман во следната натпреварувачка сезона. Инаку Ричлиева во Шлагелсе во Данска заминува на почетокот на август а договорот и трае до мај идната година со можност да се продолжи.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.