„Риверсоунд“ ќе донира, монтира рефлектори и агрегати за струја за осветлување во „Глобал“ додека се санира

201

Kомпанија „Риверсоунд“ од Струмица објави дека ќе донира и монтира рефлектори и агрегати за струја за целосно санирање на последиците од големиот пожар во ГТЦ ,,Глобал’’. Како што потенцираа тие досега имале помогнато во повеќе од 50 хуманитарни настани во кои ја ставиле на располагање целата нивна опрема

,,Нашата компанија уште вечерта кога беше пожарот почна со монтажа на мобилни рефлектори се со цел олеснување и непречена работа на пожарникарите кои во тешките услови за гаснење на пожарот ги жртвуваа своите животи. Сега се ставаме на располагање со донирање и монтажа на рефлектори и агрегати за струја за целосно осветлување во Градскиот трговски центар „Глобал“ за непречено работење додека се сaнира се што е оштетено од големиот пожар. Сето ова се надеваме дека ќе придонесе за што повеќе компании кои се во можност да се вклучат и да помогнат сега кога е најтешко се со цел побрзо отпочнување со работа на Градскиот трговски центар „Глобал“ од кој егзистираат многу струмички фамилии,, објавија од компанијата „Риверсоунд“

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.