По повод 10 годишниот јубилеј на СРРК Крап од Радовиш на езерото Мантово изминатиов викенд се одржа натпревар во спротски риболов во дисциплината ,,Пливка’’насловен како ,,КУП Крап 2019’’. Во конкуренција на риболовци од 14 екипи од земјава но и од Србија членовите на Вардар од Скопје го освоија првото место додека струмичките риболовци со своите друштва Трофеј и Бистро беа втори и трети во екипна конкуренција.
Во поединечна конкуренција Кире Малинков од клубот Оскар од Кавадарци го освои првото место. Тој за време на натпреварот успеа да улови 2 килограма и 900 грама речиси двојно повеќе од второпласираниот Трајче Дамјановски од охридскиот клуб Св.Апостол Петар додека трет беше Џоко Ташев од клубот Трофеј од Струмица
Инаку станува збор за дисциплина лов на риба со јадица на пливка која бара поседување техники но и искуство во спортскиот риболов. СРКК Крап од Радовиш е редовен организатор на вакви натпревари каде спортските риболовци се докажуваат во повеќе дисциплини на спортски риболов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
