Комисијата за заразни болести предложи рестриктивните мерки да останат на сила уште една недела. Според нивната одлука, полицискиот час се продолжува уште една недела, а угостителските објекти остануваат затворени, односно нема да примаат гости во своите локали. Комисијата за заразни болести смета дека даваат резултати рестриктивните мерки што се во сила и на Главниот координативен кризен штаб му предложи да донесе одлука за продолжување на мерките. Предлогот за мерките треба да биде усвоен на владина седница.
Пакетот рестриктивни мерки кој беше донесен пред две недели, опфаќаше затворање на сите угостителски објекти, кафичи, ресторани, фитнес клубови, обложувалници и слично. Ова се должи на третиот бран кој е и најголем во ковид пандемијата во Македонија. Во овој период здравствениот систем беше оптоварен со голем број на хоспитализирани лица, па беа отворени и неколку нови модуларни болници.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
