Ракометарите на Младост Богданци славеа во Радовиш за втора победа во борбата за опстанок

314

Ракометарите на Младост од Богданци славеа значајна победа во гости кај Радовиш и прокнижаа нови три бода во борбата за задржување на Суперлигашкиот статус. Богданчани славеа со 23:22 благодарение на одбраната на голманот во последните секунди кој не дозволи израмнување и бод за радовишани.

Младост од Богданци беше подобар тим во првите 30 минути кои ги доби со 15:08. Радовишани во второто полувреме успеа да ги консолидираат своите редови но не успеа да фатат резултатски ритам и да го казнат  Младост кој цели пет минути во финишот не постигнаа гол. Гостите од Богданци мудро и паметно ја одржуваа предноста и на крај се радуваа на втората победа. По пет гола постигнаа Караиванов, Лашчаку и Динов кај Младост, а кај Радовиш, Стојановски имаше шест гола, а Органџиев и Илиев запишаа по пет.

Младост заедно со тиквеш од Кавадарци и Работнички од Скопје се трите тима кои немаат пораз по две кола во Плеј аут лигата. Радовиш заедно со струмички Астраион се без бодови кој пак беше поразен од Тиквеш во Кавадарци.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.