Радовиш за 90 илјади евра набави информатичка опрема но и наставни помагала за училиштата во општината

465

Во текот на второто полугодие основните училишта но и средното ,,Коста Сусинов’’ во Радовиш, ќе биде поставена нова информатичка опрема но и нови наставно образовни помагала и надгледни средства дознава Дрнка.МК . Станува збор за две јавни набавки кои ги реализираше општина Радовиш при крајот на минатата година со цел подобрување на условите за настава во основните училишта ,,Никола Карев’’,  ,,Крсте Петков Мисирков’’ ,,Кирил и Методиј’’ но и во СОУ ,, Коста Сусинов. Според склучените договори меѓу општината и економските оператори, опремата веќе е испорачана во училиштата пред Нова година.

Тендерот за информатичка опрема го доби фирмата ,,Неком” од Скопје. Ова фирма доставила најниска цена на распишната јавна набавка. Таа по склучувањето на договорот, за радовишките основни и средно училиште  достави 80 лаптопи и еден десктоп комјутер. Целата набавка според склучениот договор чини  62 241 евра или 3 милиони 838 илјади денари.

65 од лаптопите  имаат подобри перформанси  и нивната единична цена изнесува околу 47,3 илјади денари  додека остантите 15 лаптопа се набавени по 34,6 илјади денари додека десктоп комјутерот има цена од приближно 57 илјади денари

Инаку плаќањето на информатичакта опрема ќе се реализира од сметките на Општинските основни училишта: Никола Карев, Крсте Петков Мисирков, Кирил и Методиј и средното Коста Сусинов.

Тендерот на наставно образовните помагала и надгледни средства  за радовишките училишта го доби фирмата ,,Тримакс” од Скопје. Склучениот договор изнесува милион и 670 илјади денари или околу 27 илјади евра. Според техничката спецификација набавени се над 150 тина помагала и средства како што се проектори, интерактивни табли, дигитален ЛЦД и монокуларен микроскоп но и други помaгала потребни по наставните предметите по Биолгоија, Физика, Хемија. Добар дел од опремата се спортски реквизити по предметот Физичка култура

Според клучениот договор помеѓу општина Радовиш и Тирмакс, плаќањето на ова набавка ќе се реализира од сметките на ООУ Никола Карев и СОУ Коста Сусинов од Радовиш

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.