Радовишанец во Швајцарија прогласен за шампион во водоинсталатерство на „SwissSkills 2022“ во Берн

542

Македонецот Филип Јованов роден во Швајцарија а по потекло од Радовиш освои  медал и стана еден од годинашните шампиони на саемот „SwissSkills 2022“ што се одржува во Берн. Јованов како што објавиј МИА е проектант на водоинсталации, а занаетот „го печел“ низ швајцарскиот модел на дуално образование пренесе неодамна МИА. Откако најпрво се остручил за водоинсталатер, работел две години, а потоа го продолжил усовршувањето уште две години и се стекнал со звање проектант.

Како што изјавил Јованов пред почетокот на церемонија за доделувањето на наградите што се одржа деновиве, не морало и не е секогаш било важно да се заврши факултет, туку најважно е да се работи тоа што се сака, без да се трча по диплома.

– Го избрав водоинсталатерството зашто и мојот брат го работи тоа. Не мора баш да се оди на факултет ако сакаш да напредуваш, можеш и преку стручно усовршување. Во Швајцарија е полесно да најдеш работа, бидејќи од 16 години државата ти го овозможува тоа. Според мене не е битно да земеш многу дипломи, туку да го правиш тоа што го сакаш, што вистински ти се допаѓа,,  рече Јованов за македонските новинари кои беа  во посета на саемот.

На посебна церемонија „SwissSkills“ги избра најдобрите, доделувајќи златен, сребрен и бронзен медал во 85 професии. Тие претходните денови и практично пред посетителите ги демонстрираа своите вештини. Над 1. 000 професионалци во преку 150 струки се дел од годинашниот “SwissSkills 2022”. 

извор МИА

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.