Фондацијата ,,Елеуса” досега помогна на околу 200 семејства – Епископот Јаков повика на љубов и заедништво

1871

До  двесте семејства за неполни два месеца стигна помош од Фондацијата „Елеуса“ од Струмица. Толку време и официјално постои Фондацијата која има за цел да им помага на луѓето на кои им е најпотребна помош. Поведени од големиот број на апели за помош, но и заинтересираноста на граѓаните да помогна, Фондацијата, синоќа, организираше промотивен настан на кој беа поканети градоначалници, претставници на граѓански организации и бизнис секторот како можност за доближување на работата на Фондацијата.

– Реалноста е дека бројот на барањата за помош расте и од шесеттина семејства во првиот месец, веќе во вториот месец имаме преку 90 семејства на кои им е потребна нашата помош и на кои им помогнавме. Овој број секојдневно расте и од Струмица, Берово, Пехчево, Делчево, Дојран, Гевгелија – кои и до сега ги помагавме, барања пристигнуваат од сите градови и затоа се јавува потребата да растеме како хумана заедница, а тоа значи дека колку повеќе имаме поддршка од сите Вас толку повеќе и толку подобрио ќе можеме да работиме. Хуманоста е Божји дар, но да се биде хуман е избор, а ние избравме да бидеме хумани и ќе продолжиме да работиме со многу повеќе желба и радост оти радоста се множи кога се дели, рече Наташа Василевска Трајчевска, претставник на Фондацијата „Елеуса“.

На настанот присуствуваше и викарниот епископ Стобиски г.Јаков кој , како што рекоа од Фондацијата, од самиот почеток ја поддржува нивната работа заедно со целото свештенство на Струмичката православна епархија.

-Ја поздравувам иницијативата на луѓето од „Елеуса“ кои ни понудија живо сведоштво дека Бог е жив, дека Христос навистина воскресна, дека има надеж за овој свет, дека Бог го љуби светот, дека Бог живее во нас и дека ние го љубиме Бог и љубејќи го Бог ние се учиме да го љубиме ближниот.  Бог да ни ја подари на сите таа животворна љубов и да ни даде сила да да твориме добро секој според своите сили. Сите ќе си заминеме одовде  станувајќи слободни, зошто љубовта ни ја гарантира слободата, исто како и Бог, дали ќе помагаме во рамки на Фондацијата или ќе помага секој сам. Знам дека секој еден од Вас подал рака на човек што страда и помогнал, но верувајте од личен опит го знам, а тоа е перспективата на црквата, дека посилни сме заедно, дека само во заедница можеме да постоиме и во заедница можеме да се научиме да љубиме. Тоа е црквата, како зеадница на личности љубовни  кои што се учат да љубат и љубат, рече епископот г.Јаков.

На  хуманитарниот настан беше промовиран документарен филм како сведоштво на досегашната работа на Фондацијата „Елеуса“ во кој преку слика и тон беше покажана потребата од помош на голем број граѓани.

Оние кои сакаат да учествуваат во оваа наша мисија,парични средства може да донираат на нашата жиро-сметка:

300030000262856

Пресвета Богородица Елеуса

Цел на дознака: Донација

Или на нашата девизна сметка:

KOMERCIJALNA BANKA AD SKOPJE

BRANCH STRUMICA

MACEDONIA

SWIFT: KOBS MK 2X SRB

Beneficiary Customer:

IBAN: MK07300701003869006

PRESVETA BOGORODICA ELEUSA Strumica

KiriliMetodij 24

STRUMICA

R.MACEDONIA

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.