Прогласени победниците на ,,Смоквијада 2020’’ во Гевгелија која заради пандемијата слатко правеа дома

1800

Вечерва пред Народниот театар во Гевгелија беа прогласени најдобрите приготвувачи на слатко од смокви од годинашово издание на ,,Смоквијада’’ што по 14 пат ја организираше Здружението ,,Тера’’ од Гевгелија. Во соработка со Домот на Културата на завршниот настан беа доделени наградите и признанијата на натпреварувачките двојки, кои годинава заради пандемијата, слатко вареа во домашни услови .

Како што информираа од Здружението Тера годинава на ова традиционална манифестација биле пријавени 12 екипи сите од општина Гевгелија а стручната комисија одлучувајќи за вкусот, бојата, шекерноста, густината на приготвеното слатко одлучи да награди шест парови чии имиња не беа познати за членовите кои ги оценуваа пристигнатите слатка.

Првото место го поделија тандемот Нада Милкова и Елена Кочева но и Марика Самарџиева и Виолета Кочева. Второ место го поделија брачните двојки Ѓурѓица и Томе Прочкови и Марика и Илија Ангови, додека третото место го поделија Сашко и Светлана Михајловски и Томе и Ангелина Перунковски.

Оваа година  на „Смоквијада 2020“  заради пандемијата немаше  музичка програма, но почетокот на манифестацијата го одбележаа спортски, ангажирајки го кошаркарот на КК Кожув Вили Џексон да го промовира трчањето и смоквата, како здрав начин на живот,

Годинава покровители на манифестацијата ,,Смоквијада 2020’’ беше градоначалникот Сашо Поцков и Советот на општина Гевгелија.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.