Прогласени најдобрите полициски службеници членови на НСП за општините Василево, Босилово и Ново Село

261

По потпишаните меморандуми за соработка меѓу Независниот синдикат на полицијата и општините Василево Босилово и Ново село, деновиве преставици од синдикатот беа во посета на овие локални самоуправи каде на предлог на старешини од Полициската станица од Струмица – членови на овој синдикат, беа прогласени и доделени плакети на најдобрите полициски службеници од Независниот синдикат на полицијата за овие општини.

Во општина Василево, градоначалникот Славе Андонов плакетата за најдобар полициски службеник за територијата на ова општина член на Независниот синдикат на полицијата му ја додели на  полицискиот службеник Мите Митров.

,,На Митров, му посакав наградата да му биде дополнителна мотивација за континуитет во залагањата за уште поуспешно спроведување на неговите секојдневни обврски во насока на подобрување на безбедноста на општина Василево и неговата работа да биде стимул и за останатите негови колеги полицајци од општина Василево, кои заедно се одговорни за безбедноста на сите граѓани,, напиша Андонов

Градоначалникот на Ново Село Ѓорѓе Божинов плакета за најдобар полициски службеник на територијата на Општина Ново Село од овој синдикат му додели  на Костадин Наковски.

За подрачјето на општина Босилово како најдобар полициски службеник на предлог членови на синдикатот од ПС и БПС Струмица беше прогласен Дејан Василев кој доби плакета од општина Босилово а имаше средба и со градоначалникот Ристо Манчев.

Независниот синдикат на полицијата на средбите во Василево Босилово и Ново Село беше преставуван од претседателот на синдикалната организацијата за СВР Струмица Миле Милески  но и од Славе Стојанов преставник на овој синдикат во Ново Село.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.