Претседателот на Турското Собрание Шентоп, со корени од Мрзенци се заложи за турски инвестиции во ,,Прдејци’’- Поцков му подари сребрена монета

1031

Делегација од Турција предводена од претседателот на Големото Собрание Мустафа Шентоп престојуваа во Гевгелија и имаа средба со градоначалникот Сашо Поцков и претседателот на Советот Ташко Дојчинов. На средбата на која присуствуваа пратеници, преставници од турски институции се разговараше за продлабочување на соработката меѓу македонскиот и турскиот народ но и за можноста за турски инвестиции во ТИРЗ Прдејци

,,Во моментот во општина Гевгелија стопанисуваат три големи турски компании, ангажирани во изградбата на Конска брана, Паркот на ветерниците, „Принцес казино“ на познатата Принцес груп. Со претстојното комунално-инфраструктурно уредување на ТИРЗ„Прдејци“ се создаваат можности за вложување и на други турски компани,, кажа градоначалникот Поцков пред турската делегација.

Имено Големото Собрание на Турција за три општини во државата обезбеди комунални возила. Едно ќе добие и општина Гевгелија за  комуналното претпријатие за собирање и транспорт на оптпадот, за што  Поцков изрази благодарност

-Гевгелија е мал град, но значаен сообраќаен, економски и земјоделски центар. Посебно е интересен е проектот за ТИРЗ„Прдејци“, кој се надевам ќе привлече и турски инвеститори. ,, истакна престедателот на Големото Собрание на Република Турција, Мустафа Шентоп објаснувајќи дека фамилијата од таткова страна потекнува од Мрзенци, а од мајка му од Богданци, кои се иселиле во 1926 година

Шентоп на својот домаќин Сашо Поцков му го подари грбот на Република Турција, додека пак домаќинот на високиот гостин му подари копија од сребрена монета на Александар Македонски, пронајдена на археолошкиот локалитет Вардарски рид кај Гевгелија.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.