Премиера на филмот „Една пилула плус – еден килограм минус“ кој отсликува пример на медиумска манипулација (видео)

1043

Краткиот, средношколски филм „Една пилула плус – еден килограм минус“ е најновата и последна активност на Центар Мултус од Гевгелија ја третира темата за лесното „наседнување“ на медиумски манипулации, во случајот – нереални и лажни реклами за апчиња за слабеење.

Во филмот, млада девојка лесно поверува во нереални резултати за слабеење за рекорден рок и наидува на реклама која треба да ги исполни нејзините соништа за експресни резултати. Ваквите манипулации се доста чести, а особено се ефикасни кога бараме за да најдеме нешто што ќе ги поткрепи нашите верувања и пристрасни убедувања.

Во филмот учествуваат: Анастасија Шопова,Тијана Ристовска, Марија Калинова и Александар Динев. Видеографер, колор обработка и графики се на Мартин Стојанов

– Филмот се снимаше на локации во Гевгелија во текот на минатиот месец јануари. За потребите на овој филм, покрај големиот влог од талентите на вклучените ученици од основни и средни училишта од Гевгелија и Валандово, ангажиравме и млади професионалци кои придонесоа за подобра реализација на крајниот продукт. Сценариото го пишуваше Сандра Ѓоргиева, како консултант за режија и пост – продукција ни помагаше Шенол Мехмед, а тонската обработка е од Марко Наумовски. Сите тројца имаат придонес кон македонската кинематографија, особено сега, во подемот на сериите во нашата земја. За тоа во кои здравствени услови ја реалзиравме оваа активност, сме пресреќни и благодарни на сите гореспоменати учесници, за големиот ентузијазам, посветеност и исполнителност. Само со таква комбинација, плус со младоста и енергијата што ја придружува, успеавме да пренесеме уште на еден начин порака за внимателност од наседнување на медиумски манипулаци, кои ги има насекаде,, информира Лилјана Танчева од здружението Мултус инаку координаторка на проектот ,,Медиумска диверзија’’

,,Воедно, споивме ученици – аматери кои негуваат љубов и талент кон филмската уметност со млади професионалци кои им пренесоа дел од своите знаења и вештини. Со тоа, се применува методот „Учење преку работење“, кој е доста ефикасен сегмент од информалното учење. Дополнително, третиравме тема која е секојдневно застапена и применлива и во различни ситуации, а отвора хоризонти од критичкото размислување кон дезинформациите и медиумските манипулации. Преку овој метод, полесно и посликовито се прикажува и доловува поента, која можеби, е здодевна како формулација.“ потенцираше координаторката на проектот Лиле Танчева од Мултус.

Филмот е во продукција на Центар за едукација, култура и активизам Мултус, Гевгелија. Филмот е дел од проектот „Медиумска Диверзија“, како под-грантист на проектот „Отпор кон дезинформации и говор на омраза“ спроведуван од Македонски институт за медиуми, а поддржан од Европската унија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.