Преку УСАИД проектот за меѓуетничка толеранција, САД во земјава ќе реновира уште 38 школи – ВД Амбасадорката Блум во Струмица

482

Амбасадата на САД и понатаму ќе продолжи да го подржува македонското образование и да инвестира во реновирање и реконструкција на училишните објекти. Досега со пари од САД се реконстурирани 75 а во наредните години се планира да бидат реновирани уште 38 основни и средни училишта каде што се школуваат ученици од различни етнички заедници. Како што кажа ВД амбасадорката на САД во земјава Микаела Швајзер-Блум инвестирањето е со цел да се зајакне меѓуетничката интеграција и младите заеднички да носат одлуки во своите локални заедници

,, Проектот на УСАИД за меѓуетничка интеграција  за млади во образованието, работи со локалните заедници и гради мостови меѓу етничките поделби во секое училиште. Работиме и со министерството за образование на наставната програма, со цел младите да бидат активни во нивните заедници и како  да учествуваат во носењето одлуки и како да се соочат со предизивиците на едно општество’’, истакна ВД амбасадорката на САД во земјава Микаела Швајзер-Блум

Во Струмица  преку проектот на УСАИД за меѓуетничка интеграција на младите во образованието се реновираа две училишта. Во СОУ ,,Јане Сандански’’ се постави термо фасада на северозападниот дел од зградата, додека пак во ООУ „Маршал Тито“ во Струмица, се постави меѓукатна конструкција на училишната.

,, Констатиравме нови предизвици и можности кои што нашето општество ги нуди во понатамошната меѓуетничка интеграција и активирање на младите во она што се вика креирање на општество преку свои идеи и визии и најмногу преку тој Младински совет кој што е во формирање кој  го обновуваме и му даваме поголема сила и потенцијал за да може да учествуваат во одлуките што ги носи Советот на Струмица,, кажа градоначалникот Коста Јаневски

Денеска стотина ученици од Струмица  од  различни етнички заедници  учествуваа во уредување на дворот на средното училиште ,,Јане Сандански’’. Заеднички го чистеа , ги уредуваа зелените површини а ги заменија дотраените клупи и ги бојадисаа бетноските површини во училишниот двор

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.