Преку ,,Супер училишта’’ до младински размени, отворен повик за средни училишта кои може да добијат до 11 000 евра

279

До крајот на месецов трае повикот наменет за средни училишта за младински размени во регионот, кои со креативни идеи ќе ја потикнат интеркултуралноста, помирувањето во регионот и соработката. Станува збор за проект ,,Супер училишта’’ на кој македонските средношколски центри може да аплицираат и да најдат партнер од регионот на западен Балкан и преку двојна размена на ученици да се создаде терен за создавање силни и одржливи врски и градење на партнерство

Овој проект беше промовиран во Струмица од страна на Владимир Ѓоргевски директор на Локалната канцеларија за младинска соработка RYCO. Средното училиште кој ќе најде партнер од западен Балкан и биде вклучен во овој проект, ќе располага со буџет од 11 илјади евра. Освен размена училиштата може да добијат и техничка помош за која сами ќе одлучат.

,,Имаме лесна апликација. Проектот поддржува размена на ученици од средните училиште и ќе поддржеме идеи кои ја промовираат интеркултуралноста, помирувањето во регионот и сорботката, а училиштата ќе располагаат со буџет од околу 11 илјади евра за размена,, кажа Ѓоргевски кој најави и летен камп за младите

Заинтересираните училишта кои имат идеи може да аплицираат на следниов ЛИНК. Се планира да бидат поддржани 30 тина проекти а планирани се 100 тина младински размени.

,,Супер училишта’’ има за цел да се поддржи процесот на градење мир и помирување и меѓукултурното учење и дијалог меѓу училиштата, учениците и нивните заедници. Програмата е дел од мултидонаторскиот проект „Шема за размена на училишта за Западен Балкан“ кофинансиран од Европската Унија и германското Сојузно Министерство за економска соработка и развој (BMZ) и имплементиран од Deutsche Gesellschaft für Internationale Zusammenarbeit (GIZ) заедно со Регионална канцеларија за младинска соработка (RYCO).

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.