Првпат сум но летово пак ќе дојдам за убавините, кажа Царовска која со Илиев беа на Мантово кај Конче (фото)

1778

Преку Проектот за локална и регионална конкурентност на Светска Банка, ЕУ и македонската влада, сончевата езерска населба Мантово кај општина Конче доби дополнителни содржини со кои се планира потикнување на развојот на езерскиот и алтернативниот туризам во ова општина. Околу 295 илјади евра се инвестираа за рехабилитација на патот одо Мантово од околу 6, 5 километри, се обележија две пешачки патеки од 3 километри до манастирот Св. Ѓорги и локалитето Чука а се осветлија влашките колиби а поставена е и урбана опрема.

,Имаме многу места со голем туристички потенцијал и затоа инвестираме во локалниот економски развој. Со потпроектот за подобрување на пристапноста и атрактивноста на Сончевата езерска населба Мантово и околината во Општина Конче го поттикнуваме алтернативниот туризам,, кажа Царовска која подвлече дека првпат е на Мантово но ова лето минимум уште двапати ќе го посети оти дава посебен мир и има многу убавини

Царовска заедно со министерот за локална самоуправа Горан Милевски, и заменикот Дејан Павлески со градоначалникот на општина Конче Благој Илиев, ја посетија Сончевата езерска населба Мантово каде во завршна фаза е проектот кој треба да даде основа за поинтензивен развој на ова место

,, Се надеваме дека ќе го стимулираме развојот на туризмот бидејки чистата животна средина, чистиот воздух, традиционалните специјалитети, езерото се одлична основа да се инвестира овде. Oд името на сите граѓани на Општина Конче, особено сакам да изразам благодарност до Амбасадорот на Европската Унија во нашата држава, Самуел Жбогар, за неговата несебична поддршка во спроведувањето на овој проект,, рече градоначалникот Илиев

Езерото „Мантово“ е вештачка акумулација на реката Крива Лакавица во југоисточниот регион на државата. Во последниве години стана посетувана дестинација. Таму постојано се градат викендици но недостасуваше патна и комунална инфраструктура  за да бидат искористени сите потенцијали на ова езеро.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.