По завршување на кризната состојба ќе утврдиме термин за Струмичкиот карневал, во согласност со групите, кажа Цицимов

378

Првиот човек на организациониот одбор на струмичкиот карневал Александар Цицимов не ја исклучи можноста карневалот да се одржи по завршување на кризната состојба со корона вирусот. На попладневната прес конференција во кабинетот на градоначалникот на Струмица Коста Јаневски за откажувањето на планираните карневалски активности од годинашнава програма, на новинарско прашање дали се размислува друг термин за реализација на карневалот, Цицимов одговори дека за ова прашање ќе бидат консултирани сите карневалски групи.

„Дали ќе се повтори карневалот не зависи само од карневалскиот одбор, туку мора да се направи еден состанок со карневалските групи, дали тие се спремни да ја поддржат таа одлука. Ние апсолутно го почитуваме нивното мислење, но од онаа што се случи на вчерашниот консултативен состанок со нив, кадешто повеќето од нив беа за одложување на карневалот, мислам дека тие се расположени во еден друг термин. Откако ќе заврши ова кризна состојба ќе го утврдиме терминот и во тој термин мислам дека ќе треба да го повториме Струмичкиот карневал, пред се поради јубилејот, но уште повеќе за огромниот труд на нашите карневалски групи излезе на виделина пред струмичката публика и се надевам гостите кои ќе дојдат во тој период на Струмичкиот карневал“, рече Цицимов

Градоначалникот на Струмица Коста Јаневски истакна дека откажувањето на карневалските активности, се резултат на препораките од Владата, организаторите да ги откажат сите јавни собири до 6 март 2020 година, за да се избегне и најмалиот ризик за евентуално ширење на коронавирусот.

,, Почитувајки го заклучокот на Владата и препораките на министерството за здравство, општина Струмица и организационот одбор ги откажуваат сите активности од Струмичкиот карневал 2020. Со откажувањето на карневалските манифестации се избегнува и најмалиот ризик за ширење на корона вирусот. Општина Струмица, континуирано ја следеше и понатаму ќе ја следи актуелната состојба и апелира до граѓаните за релевантни да ги сметаат само информациите од компетентните институции, а не од непотврдени извори“ рече градоначалникот Јаневски.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.