По два поништени се спрема нов оглас за распределба на социјалните станови во Струмица

430

Министерот за транспорт и врски Благој Бочварски не прецизираше кога ќе биде распишан новиот оглас за распределба на социјалните станови во Струмица. Станува збор за вкупно 37 станови за кои државата досега поништи два огласа како што соопштија заради некомплетна документација на апликантите но и заради проширување на опфатот на лица од социјален ризик  за кои се наменети.

Во зградата која е изградена пред околу две години, во четири станови веќе се сместени лица од Заводот за заштита и рехабилитација Бања Банско со процесот на деинституционализација, додека за останатите 37 како што кажа министерот Бочварски  во тек е постапка за распишување на нов оглас

,,Во моментот во Министерството за транспорт и врски работат тимови на нова постапка со цел оваа социјална зграда, која е изградена овде и за која се вложени средства, да биде распишан повик, оглас и да бидат распределени становите. Ќе ве известиме кога ќе биде распишан огласот, рече министерот за транспорт и врски’’, Благој Бочварски при вчерашната посета во Струмица

Првиот оглас за распределба на овие станови беше објавен во февруари минатата година додека вториот во февруари годинава.З градата со социјални станови е лоцирана на ул. „Ѓорѓи Василев“ во Струмица. Во неа има 41 стан, од нив четири веќе се доделени на Министерството за труд и социјална политика. Истата е изградена преку Програмата на АД за изградба и стопанисување со јавен и државен простор.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.