Почна со работа модуларната ковид болница во Струмица со пациенти кои се на дневно лекување

291

Деновиве почна да функционира модуларната ковид болница каде ќе се лекуваат ковид пациентите со полесна клиничка слика од струмичко и ќе доаѓаат на дневно лекување. Ова го објави ЈЗУ Општа Болница од Струмица откако последниов период значително е зголемен бројот на пациенти кои имаат потреба од болничко лекување. Во моментов во болницата во Струмица се хоспитализирани 25 пациенти позитивни на ковид-19 кај кого е констатирана потешка клиничка слика.

Во Модуларната ковид болница изградена пред некој месец има 37 легла. Паралелно како што соопштуваат од болницата, се работи на реновирање на инфективно одделение, како и монтажа на централен довод на кислород што ќе овозможи уште 25 болнички легла , со кислородна поддршка на инфективниот оддел

Во Струмица и регионот според Институтот за јавно здравје заклучно со вчера 18.03 има 237 активни случаи на ковид-19. Во изминатите 24 часа како што информираа од министерството за здравство во Струмица се регистрирани 7 нови позитивни и 23 оздравени пациенти а еден пациент почина од компликации од ковид-19

Од почетокот на пандемијата досега заболеле 2991 лице, 2635 оздравеле а 119 лица починале.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.