Почна монтажата на модуларната болница во Струмица за ковид пациенти

681

На просторот зад административната зграда на струмичкиот медицински центар, почнаа работите за поставување на предвидените контејнери кои ќе бидат дел од модуларната болница за ковид пациенти во Струмица. Во текот на целиот ден се носеа контејнери и се монтираа во коит треба да се лекуваат лицата со лесна и потешка клиничка слика со ковид-19. На површина од околу 600 метри квадратни според проектот треба да бидат поставени 36 контејнери во кои ќе има над 30 тина легла од кои 18 ќе бидат за пациенти со лесна а 14 легла за ковид пациенти со потешка клиничка слика што ќе бидат на кислородна поддршка.

За модуларната болница што се подига во Струмица денеска се интересираше и првиот човек на Струмица Коста Јаневски кој ја посети болницата и од директорот Наќе Гогов се информираше за состојбата со ковид-19, менаџирањето и доопремувањето на новото болничко крило. Јаневски на својот ФБ напиша дека во моментов состојбата е стабилна и е под контрола но дека мора да се почитуваат мерките за заштита

,,Им благодарам на сите и на раководството и медицинскиот персонал во болницата за огромните напори кои што ги вложуваат во справувањето со пандемијата од Ковид – 19. Неодамна, мојата, како Градоначалник, и поддршката од општина Струмица ја потврдивме и со финансиската помош од еден милион денари помош на болницата, буџетски средства скратени од планираните за новогодишното украсување,, напиша Јаневски

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.