Почна замената на уличното во општина Василево, до крајот на ноември ќе бидат сменети сите улични со лед светилки (фото)

133

Почна реализацијата на проектот за реконструкција и одржување на јавното улично осветлување во општина Василево по ЕСКО модел кој планира замена на досегашното со нови штедливи лед светилки. Инсталацијата новите светилки започна од главната,  влезната улица во општинскиот центар Василево и согласно планот за активности ќе трае до крајот на ноември. Целиот проект како што информираме опфаќа замена на вкупно 1110 светилки во сите населени места на општина Василево.

„Жителите на населеното место Василево уште вечерва ќе го почувствуваат бенефитот од овој проект односно ќе ја увидат разликата меѓу досегашното и новото јавно осветлување, кое според техничките карактерестики на светилките треба да го осветлува целиот простор, без т.н темни точки меѓу два столба односно две светилки“, информираше градоначалникот на општина Василево, Марјан Јанев кој подвлече дека со проектот е опфатена целокупната мрежа на јавно осветлување во сите населени места на општина Василево како и спортските игралишта.

За инсталацијата на ново улично во општина Василево нма да потроши ниту денар а ќе добиеквалитено улично осветлување со еколошки, штедливи светилки кои ќе продуцираат заштеди во сметките за јавно осветлување, од кои заштеди ќе се плаќа инвестицијата кон Македонкси Телеком од 20 милиони денари а ќе биде еско партнер во целиот процес на Јавно приватно партнерство

Целиот овој процес е раководен од Европската банка за обнова и развој во соработка со Секретаријатот за енергетската заедница со кој Република Северна Македонија има потпишано Договор за соработка а општина Василево е една од првите општини во РСМакедонија во која проектот се имплементира.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.