После шест години од изградбата, конечно настава во новото школо во Висока Маала – општина Василево

339

Учениците од 4-то и 5-то одделение од населеното место Висока Маала општина Василево, продолжението од учебната година, однсоно наставатаод второто полугодие почнаа да ја следат во новата училишна зградда изградена пред шест години, соопшти општина Василево на својата веб страна. Училиштето беше изградено со средства од Турската владина организација ТИКА но години по ред родителите одбиваа да ги пуштат своите деца на настава во новото училиште и настава следеа во просториите сред село.

„После подолга комуникација со родителите на учениците, успеавме да ги убедиме дека посетувањето настава во овој училишен објект е најдобрата опција за сите. Објектот е нов, опремен со инвентар и во секој поглед ги задоволува условите за нормално одвивање на наставата. Надминати се и недоразбирањата околу оддалеченоста на училиштето од населеното место, кое од страна на родителите се  нотираше како еден од најголемите проблеми поради што  не им дозволоваа на децата да посетуваат настава во новото училиште“, изјави градоначалникот Андонов по денешната посета на новото училиште во Висока Маала.

Училиштето е изградено во соработка и со средства обезбедени од Турската владина организација ТИКА, но се до денес учениците односно нивните родители одбиваа наставата да се одвива во овој објект.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.