Посетители на Влашките колиби кај Мантово викендов пустошеле, Општина Конче апелира на совесност

2168

Општина Конче и тамошното Јавно комунално претпријатие Лакавица апелираат на совесно однесување кон урбаната опрема но и кон самиот локалитет Влашки колиби кај езерото Мантово направен со европски пари и пари од Буџетот на општината. Таму викендов престјуваа стотици рекреативци, посетители и гости, кои зад себе оставија купишта отпад но и демолирани клупи за одмор, корпи за отпад и елементи за подготовка на скара.

,, Шокирана сум од нашата некултура. Со мои пријатели бевме во неделата попладне со велосипеди и планиравме малку да се одмориме на локалитетот ,,Влашки колиби’’  со прекрасната глетка кон езерото Мантово. Но за жал бевме запрепастени од сликата што ја затекнавме. Немаме зборови. Место да се грижиме ние уништуваме,, реагираше една посетителка

Градоначалникот на Конче Благој Илиев информиран е дека дел од урбаната опрема на локалитет викедов е демолирана и побара од сите посетители да се однесуваат одговорно кон се што е изградено таму. Кажа дека ќе интервенираат како општина за да се санираат штетите но и дека ќе постават мини сензорни камери при што ќе се регистрира секое девијантно однесување

,, Викендов на овој локалитет имаше огромен број посетители. Како општина веќе правиме пресметка за ново оградување на овој локалитет со оглед дека оградната мрежа е уништена. Штетите ќе бидат санирани, но треба да бидеме совесни сите. Апелирам до сите посетители да се однесуваат одговорно кон овој локалитет и доколку забележат било какво уништување веднаш да пријават, бидејки тоа е изградено за сите. Со оглед дека не е првпат да се уништува урбаната опрема, размислуваме да поставиме и неколку мини сензорни камери,, кажа градоначалникот Илиев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.