Попладнево во Југоистокот можно е невреме со пороен дожд, силен ветар и грмежи, предупредува ЦУК

393

За време на попладневните и вечерните часови (кон крајот на денот), повторно се очекува дестабилизација на времето кое биде променливо облачно, на повеќе места (особено во јужните и југоисточните делови од земјата) со пороен дожд, грмежи, засилен ветер, на места и во форма на невреме.

Локално, се очекува процесите да бидат поинтензивни, со пообилен краткотраен интензивен дожд кој доколку просторно е сконцентриран во градските урбани средини може да предизвика локални проблеми како локално поплавување на дел од улиците, локално поплавување на најниските делови од урбаните средини, како подрумските простории и.т.н. како и да доведе до брзо зголемување на водостојот на помалите реки и суводолиците низ земјава.

Нема опасност од излевање на поголемите реки чиј што водостој е сеуште низок. Предупредуваме на претпазливо движење покрај помалите реки и суводолиците низ земјава, како и низ урбаните средини каде се можни локални краткотрајни но интензивни врнежи од дожд кон крајот на денешниот ден и ноќта како и за време на утринските часови на утрешниот ден.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.