Полиција и инспектори секој ден ќе прават контроли за да се спречи уличната продажба во Струмица

883

Зачестени контроли на полициски екипи заедно со општински и државни инспектори по критичните улици и тротоари каде е забележана улична трговија. Истите имаат за цел да не дозволат продажба на овошје зеленчук и текстил во пресрет на престојните празници во централното градско подрачје, улиците околу пазарите Чешел и Кантон но и кај пазарот на големо. Ваков заклучок донесе Локалниот совет за превенција кој денеска во кој учестуваа преставници од општината, СВР Струмица, Јавното обвинителство, Пазарната инспекција, преставници од Агенцијата за храна и ветеринарство, ЈП Комуналец, членови на Советот и регистрирани трговци.

,,Две саботи по ред, општинските комунални инспектори и редари во координација со СВР Струмица, спроведоа акција на пазарот „Чешел“ и спречија појава на диви продавачи, пред се на текстил. Предизвикот пред кој сега сме исправени, посебно пред Нова година и празниците е голем, но донесовме одлука ваквите акции да продолжат секојдневно на булеварот и уште од раните утрински часови да се спречат дивите продавачи да ја постават својата стока за продавање, бидејќи се покажа дека на овој начин ефектот е позитивен,, кажа градоначалникот Костадинов кој претседаваше со Советот

Дека ќе има зачестени полициски контроли потврди и началникот на СВР Струмица Томе Весев кој подвлече дека за овој проблем потребна е поголема координација и од останатите институции како што се Пазарната инспекција инспекторите од Агенцијата за храна и ветеринарство

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.