Полицијата и РСБСП лепеа налепници на тракторски приколки во струмичко за поголема безбедност во сообраќајот

666

Секторот за внатрешни работи Струмица преку Отсекот за превенција и ПС за БПС Струмица во партнерство со Републичкиот совет за безбедност на сообраќајот на патиштата, денес во населените места с.Дабиља и с.Банско спроведе превентивна активност во рамките на проектот “Управувај безбедно со земјоделски машини”, со делење и поставување флуоросцентни налепници на тракторски приколки, се со цел поголема видливост и безбедност во сообраќајот.

Станува збор за акција која што започна од минатата недела се со цел да се подигне свеста кај возачите на земјоделска механизација но и кај останатите учесници на сообраќајот бидејки по патиштата во струмичко заради земјоделски работи по патиштата честопати се управуваат трактори и друг вид земјоделска механизација.

Според РСБСП ова година не е мал бројот на сообраќајки предизвикани од земјоделска механизација како учесници во сообраќајот или пак биле дел од незгоди. Како што најавија од СВР Струмица вакви превентивни активности на подрачјето на Сектор ќе продолжат во претстојниот период.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.