Полимат 13 доби ,,Архус столче’’ во Советот на Богданци која е прва во земјава што за еко одлуки вклучи граѓанска организација

993

Советот на општина Богданци  донесе одлука за вклучување и учество на граѓанскиот сектор при донесување одлуки од областа на заштита на животната средина, конкретно донесе одлука Здружението Полимат 13 од Богданци да биде вклучен, при било каква расправа и носење одлуки врзани со заштитата на животната средина по принципот ,,Архус столче’’ .

Ова значи дека преставник на Здружението ПОЛИМАТ 13 од Богданци ќе биде присутен на  седниците на Совет на општина Богданци кога точките на дневен ред ја засегаат животната средина при што ова здружение ќе има права да учествува во дискусиите, да дава предлози и сугестии н ачленовите на Советот но не и да носи одлука бидејки таа законска обврска што ја имат членовите на Советот. Оваа одлука доаѓа после низа на активности кои се спроведоа во Богданци во изминатите 6 месеци, време во кое се спроведуваше проектот „Архус столче“ чија цел е подобрено управување со животната средина преку зајакнување на капацитетите  на засегнатите страни за имплементација на Архуската Конвенција.

Во рамки на проектот здружението ПОЛИМАТ 13 изработи „Водич за примена на Архуската Конвенција за локални самоуправи“ кој е наменет за претставници на локалните самоуправи,но е еднакво корисен и за претставници на граѓанскиот сектор и за пошироката јавност.Водичот содржи практики кои локалните самоуправи можат да ги применуваат во насока на овозможување на пристап до информации, учество најавност и пристап до правда за да можат да бидат во служба на граѓаните, нивните потреби и одговорности за обезбедување на чиста и здрава животна средина.

Покрај оваа публикација ПОЛИМАТ 13 организираше и обуки за претставници на локалната самоуправа, како и за претставници на граѓанските организации и студенти на прв и втор циклус на правен факултет.

Проектот „Архус столче“ е регрантиран во рамки на проектот „Градење на капацитетите на граѓанските организации за животна средина за зголемување на демократските процеси во Македонија“ спроведуван од ЗОР Милиеуконтакт Македонија и ЗИЖС Развојна програма со финансиска поддршка од Европската Унија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.