Повторно пожар во кругот на поранешната струмичка касарана – гореше објект од ЈНА

308

Попладнево од засега непознати причини избувна пожар во кругот на поранешната струмичка касарна каде гореше објект граден од времето на поранешна Југославија за потребите на тогашната армија.  Според видеата што кружат по социјалните мрежи станува збор за зграда која се наога во непосредна близина на СВР Струмица.

Во гаснењето на пожарот учествуваат екипи од ТППЕ Струмица со повеќе возила и пожарникари кои тешко се пробиваа по улиците до овој дел на градот заради големата фрекфентност од возила. По веста и сознанието дека гори објект во кругот на поранешната струмичка касарна, голем број граѓани со возила се упатија кон овој дел за да видат кој објект гори па во одредени моменти противпожарните возила тешко се движеа по улицата Моша Пијаде.

Пред околу месец дена имаше исто така пожар во кругот на струмичката касарна каде гореше објектот каде беше сместена регионалната телевизија ВИС а во која имаше и печатница и конфекциски погон.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.