Струмица Жени направи сензација, славеше против фаворитот Работнички како роденденски подарок за Иванова (фото)

2639

Струмица Жени направи вистинско изненадување во седмото првенствено коло од Првата женска одбојкарска лига. На свој терен славеше против фаворизираниот Работнички Скопје кој досега немаше претрпено пораз во шампионатот но од салата Парк замина со убедлив пораз од 3:0 во сетови. Струмичките одбојкари одиграа одлично, борбено и без респект кон противникот што донесе и убедлива победа и нови три бода на своето конто со што дефинитивно обезбедија пласман во втората фаза.

Елена Пандева, Мила Дикова, Даниела и Мартина Владевска, Светлана Иванова, Велика Каралијска, Стефанија Станковска им оддржаа одбојкарска лекција на Работнички Скопје кој никако не се снајде во ,,налетот’’ на домаќинките. Работнички Скопје потфрли во приемот а никако не се снајде и во нападот. Наспроти нив струмичанки играа во ,,транс’’ ги користеа сите грешки на гостинките, имаа одличен сервис и огромна желба за победа

Победата ја најавија уште во првиот сет. Не им дозволија на гостинките воопшто да дојдат до предност. Имаа контрола на резулатот постојано и рутински го добија со 25:21. Вториот сет донесе возбудувања. Струмица Жени имаше предност но Работнички Скопје дојде до 21:18. Следуваше тајм аут од Милев и Божијанова и во продолжение струмичанки направија пресврт за да на крај го добијат вториот сет со 26:24.

Домаќинките одиграа одлично и во третиот сет. Нагазија уште во стартот и дојдоа до солидна разлика која ја оддржуваа постојано. Го добија со 25:17 принудувајки го Работнички да се помири со првиот пораз од 3:0 во сетови

Со ова победа Струмица жени сега има 17 поени и се искачи на третата позиција зголемувајки ги шансите за одличен старт и во втората фаза каде 6 те најдобри екипи ќе разигруваат за плеј офот

Победата најмногу ќе ја памети центарот на Струмица Жени – Светлана Иванова која денеска го славеше својот роденден. Одбојкарките со стручниот штаб на Струмица Жени победата и ја посветија  како роденденска честитка на младата Иванова, која доби и торта од своите соиграчки но и огромно славје.

,,Поубав подарок неможев да добијам’’ кусо ни изјави Иванова.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.