Платежни картички од 6000 денари за пензионери, самохрани родители, невработени и студенти

290

Платежни картички за купување на домашни производи од 6.000 денари за пензионерите, самохраните мајки, баратели на работа, студенти и ученици, најави Владата со четвртиот пакет економски мерки.

,,Овој пат платежни картички со износ од 6.000 денари ќе ги добијат 5.726 самохрани родители, пензионерите со пензии до 15.000 денари, односно 182.271 наши сограѓани пензионери, невработените кои се пасивни баратели на работа, односно 85.108 граѓани, самостојните уметници, филмски работници, културни работници и естрадни уметници чија бројка е 520 корисници’’,  изјави премиерот Зоран Заев на промоцијата на новиот пакет мерки

Платежни картички „Купувам домашно“ ќе добијат уште 540 студенти, кои во претходниот пакет не ги добиле картичките, а за што навремено реагирале. Поддршка за ученички и студентски стандард од 44 милиони денари за 2020 година добиваат 884 студенти и 347 ученици.

,,Секако, ќе ги помагаме и оние граѓани кои се над 64 години, а немаат пензија, ниту државна социјална пензија и се со приходи пониски од 15.000 денари, или воопшто немаат приходи’’, додаде Заев кој кажа дека ова мерка опфаќа на 283.000  граѓани, а нејзината вредност изнесува 27,6 милиони евра

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.