Патот кон планината Плачковица се гуши во отпад , радовишани слободно си фрлаат ѓубре

246

Грозна е сликата над Радовиш по патот што води до излетничко рекреативното и викенд населбата Бел Камен на планината Плачковица. Лево и десно од овој патен правец после ,,полигонот’’ купишта ѓубре, градежен шут, пластика, мебел иако овој патен правец води кон еден од најпосетуваните локалитети во ова општина. Несовесни граѓани слободно си оставаат отпад иако е строго забрането а надлежните постојано апелираат да не се загрозува животната средина со диви депонии.

,, Контуинирано се чисти овој потег. Со посредство на комуналното ,,Плаваја’’ двапати годишно ги отстрануваме депониите што никнуваат покрај патот кон Плачковица. Комунални редари се постојано на терен но не можеме против несовесните граѓани кои фрлаат и памперси и пластика и градежен шут лево и десно од овој пат. Се врши контрола но попусто. Затоа ја користам ова шанса да упатам апел сите заеднички да се бориме против ова појава,, кажа градоначалникот на Радовиш Герасим Конзулов

Радовишани се згрозени од несоодветното однесување на поединци кои отпадот го фрлаат над градот кој повторно се враќа низ радовишките улици при силен ветар или пак поројни дождови. Бараат од надлежните да ги засилат контролите не само од комуналните редари туку и од сите институции.

Депонии никнуваат на секој чекор, секој си фрла каде што сака а казни нема

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.