Капитенот на македонската фудбалска репрезентација Горан Пандев вечерва во дресот на Џенова двапати ја затресе мрежата на Беневенто и влезе во легендите на италијанската Калчо лига со 100 постигнати голови со што стана и рекордер меѓу фудбалерите кои доаѓаат од Балканот во Серија А.
Пандев за 20 минути успеа да ги постигне двата гола за својот Џенова. Првиот гол, Пандев го постигна во 11 минута со кој израмни на 1:1 откако во петтата минута Виола стрелаше за гостите. Вториот гол Пандев го даде во 21. Минута, откако претходно Лападула по втор пат му донесе предност на Беневенто.
Пандев за Џенова вечерва го одигра 150 тиот натпревар и досега има вкупно постигнато 27 гола. Најмногу голови во Серија А има постигнато за Лацио (48), за Наполи (19), Интер (5) и Анкона (1) а со Џенова го испиша 100 тиот гол во ова лига која се смета з аедна од најсилните во светот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
